2.11.2008

Search, Google, and Life: Sergey Brin - Google

Дэлхийд алдартай сургуулиудын гайхамшиг нь юунд вэ? Harvard Law School, МУИС-ын Хуулийн сургууль хоёр юугаараа ялгаатай вэ? Well, олон ялгаа бий - сургалтын төлбөр, сургуулийн бүтэц, технологи, судалгаа шинжилгээ, хөрөнгө, нөөц бололцоо, сургуулийн барилга нь хүртэл өөр гээд л жагсаалт үргэлжилнэ. Бостон Их сургуулийг төгссөн цөөхөн хар профессоруудын нэг болсноороо бахархдаг (тухайн үед л шүү дээ), их л билэг танхай яриатай багш маань Жон Локкэ, Жан Жак Руссогийн тухай, social contract-ын талаар ярьж асан лекцнийхээ дундуур нэг үг хэлж байсан нь санаанд тодхон үлджээ. "Том жижиг сургууль гэж байдаггүй юм. Харвардад ч, Харолд Вашингтон Коллежид ч үздэг хичээлүүд ижилхэн. Сэдэв ижилхэн. Үздэг ном чинь ч ижилхэн. (Харвардад үзэж буй номуудыг номын сангаас олж болно) Харин ялгаатай юм нь сэдэвийн хүрээ, сэдвийг авч үзэх түвшин, хэлэлцүүлэгийн түвшин нь өөр байдаг. Гэхдээ хүн ямар ч сургуульд сураад эрдмийг олж болно. Гагцхүү хүнээс өөрөөс нь л шалтгаална" гэж билээ. Би түүнтэй санал нэгддэг.

Бизнесийн онолыг та Харвард бизнес скүүлд суралцахгүйгээр Монголын их сургуульд сурч болно. Мэдээж мэдээллийг олж авах, боловсруулах чадвар сайтай бол шүү дээ. Хуулийг ч мөн адил. (хуулийн сонирхолтой case, түүхэн шийдвэрүүдийг хэлийг нь л мэддэг бол олоод унших бололцоо монголд сурч буй оюутанд бий.) Програмчлалын хэлийг ч мөн адил. Монголд IT-aaр суралцах, тархиа цэнэглэх бүрэн бололцоотой (мэдээж англи хэл сайн байх нь чухал л даа) Ядаж программууд үнэгүй олдож болно (хятадаас), мөн онлайн хичээлүүд, онлайн сурах бичгүүд гээд угаас мэргэжил, чадварт нь ойр нөөц бололцоо маш их байна. Нөгөөтэйгүүр суурь ШУ хаана ч адилхан. Энэ л үгсийг Монголд энд тэнд оюутнуудад яриа хийж явахдаа олон давтан хэлсэн. Өнөөдрийн Монгол оюутнуудаад асар их нөөц бололцоо бий, нүдээ нээж, хайж, эрэх юм бол бүх зүйл Монголд байна гэдгийг л ойлгуулах гэж олон давтсан минь энэ. Энэ боломжыг олгож, дэлхийг хавтгайруулж буй гайхамшиг нь Интернэт өөрөө. Бас дээр нь оюутнууд та бүгд сайн хөдөлмөрлөх ёстой. Чикагогийн хотын төвийн баар, клабтай яг ижил үнээр орж, худалдан авч буй архи, исгүүн, шарз нь дэлхийн стандарттай хотынхтой ижил үнэтэй байгаа Метрополис, эсвэл тэр Стрингс, Фэйс бил үү түм буман клаб, барууд УБ-т дүүрэн, бас тэнд оюутан залуус пиг байгааг үзвэл Монгол оюутнууд мөнгөтэй байна. Гэтэл паартидах болохоороо мөнгөтэй байж, ном худалдаж авах болохоороо мөнгөгүй болчихдогт учир их байна...

Дээрх яриаг үргэлжлүүлэхүйд, том жижиг сургуулийн лекц, түүний цараа нь арай өөр байдаг. Миний хувьд боломж олдвол сонирхолтой лекцэнд суух дуртай байдаг. Монголд байх хугацаандаа ч олон сайхан лекц сонсохыг хичээсэн. За ямартаа ч сайн мэдээ гэвэл дэлхийн шилдэг сургуулиуд You-Tube-д данстай болж, лекцүүдийн бичлэгийг тавьдаг болсон. Гүүгл компанийг үүсгэн байгуулагч Сергей Бриний Беркли дахь Калифорний ИС-д тавьсан лекцийг сая олж сонсоод та бүгдэд бас сонирхуулах гэсэн юм. Калифорний ИС-ын лекцийн танхимд тавтай морил!

SIMS 141 - Search, Google, and Life: Sergey Brin - Google



By the way, U of C at Berkley- лекцүүдийг эндээс сонсоорой: http://www.youtube.com/ucberkeley
MIT http://www.youtube.com/mit.

3 comments:

Anonymous said...

mash ih taalagdlaa. bayarlalaa. setguulzuin chigleliin lekts oruulah bolomj baina uu?

Tuvshin said...

Uuriin tani helj baigaa neg talaaraa zuv nuguu talaaraa buruu. Anh bi ch gesen internet deerh MIT-iin uneguy hicheeluudiig harchihaad tend ochij jiliin $40'000-aar shatah hereg alga gej boddog baisan. Getel odoo bodohnee bolovsrol gedeg tsor gants syllabus bish yum. Amerikiin bolovsroliin--yalanguya liberal arts college educationii--neg chuhal bureldehuun heseg ni orchin baidag. Online bolovsrol harin uuniig sanal bolgoj chaddagguy.

Nuguu talaasaa dan gants internet-eer damjuulj uuruu bie daaj surna gedeg denduu uruusgul oilgolt. Mongold unuudur terhuu "мэдээллийг олж авах, боловсруулах чадвар"-tay zaluus hed baigaa bilee? Tegeheer bolomj ni baival Amerik ruu yavah l heregtey.

Tuvshin said...

@Anonymous: hervee iTunes ashigladag bol tend setguul zuin uneguy lecture-uud hangalttay bii (podcast-uud gevel baragdahguy ih baigaa).

http://deimos3.apple.com/WebObjects/Core.woa/Browse/itunes.stanford.edu.1292763723 - Stanford-iin Setguul Zuin lecture-uud
http://deimos3.apple.com/WebObjects/Core.woa/Browse/berkeley.edu.78024658 - UC Berkeley-giin Setguul Zuin lecture-uud

Hunii blog deer heregguy yum bichchih shig bolloo. Uuchlaaray.