De Facto: Та өөрөө эх орныхоо төлөө юу хийж чадах вэ?

NTV телевизийн De Facto нэвтрүүлгийн хөтлөгч (bilingual Тalk show host), жиргээч, нийтлэлч, блогч, эдийн засагч Д.Жаргалсайханы хамгийн анхны ном "Та өөрөө эх орныхоо төлөө юу хийж чадах вэ?" ирэх Даваа гаригаас бүх номын дэлгүүрүүдэд худалдаанд гарахад бэлэн боллоо.

Инжинаш хэвлэлийн газар уг номыг зохиогчийн эрхийн дагуу хэвлэж, олон нийтэд түгээх ажлыг хариуцаж буй бөгөөд зохиогчийн гарын үсэг бүхий ХАМГИЙН АНХНЫ ХУВИЙН эзнийг тодруулахаар Монголын нийт жиргээчдийн дунд анх удаа номын дуудлага худалдаа зарлалаа.

Дуудлага худалдаанаас олсон ашгийг Жиргээчдийн цэцэрлэгт (дэлгэрэнгүй мэдээлэл: #НогоонУБ) хандивлахаар тогтов.

2012 оны 6 сарын 20 ны 13 цагт эхэлсэн дуудлага худалдаанд одоогоор 18 орчим жиргээч оролцсон бөгөөд 9999 төгрөгөөс эхэлсэн үнэ хаялцаа нэлээд эрчтэй явагдаж архаг жиргээчдийн нэг @mendorshikh 150 000 төгрөг, жиргээч @ts_chepak 200 000 төгрөгний дэнчин тавьлаа. (2012.06.20 Лхагва - 13.50 -ын байдлаар)

Ингээд 2012.06.21 Пүрэв гаригийн 15.00 цагт хаагдсан дуудлага худалдаанд 220'000 төгрөгийн дэнчин тавьсан Chinggis Technologies компаний захирал, жиргээч Батжаргалын Сүхбат (@SukhbatMN) яллаа.

ЖИРГЭЭГ бид нийгмийн сайн сайхны төлөө олон зүйлд зориулж болдогийн хамгийн энгийн жишээ бол энэ номын дуудлага худалдаа юм.

Инжинаш паблишинг компаний Жиргээчдийн дунд хийсэн анхны Дуудлага худалдаанд оролцсон бүх хүмүүст баярлалаа! Дуудлага худалдаанд ялагч, энэхүү номын ТҮҮХЭН АНХНЫ хувийг авах эзэн номын нээлтийн үеэр Эдийн засагч Д.Жаргалсайханаас номоо хүлээн авах болно.

Д.Жаргалсайханы "Та өөрөө эх орныхоо төлөө юу хийж чадах вэ?" номын дуудлага худалдаа
Хугацаа: 2012.06.20-ны 13 цагаас 2012.06.21-ны 15 цаг хүртэл
№	Огноо	Үнийн санал (₮)	Жиргээчийн нэр	@ (Twitter ID)
18	2012.06.20	220000	SUKHBAT Batjargal	SukhbatMN
17	2012.06.20	210000	aviraa	aviraa
16	2012.06.20	200000	munkhbat	ts_chepak
15	2012.06.20	150000	Mend-Orshikh.A	MendOrshikh
14	2012.06.20	120000	munkhbat	ts_chepak
13	2012.06.20	110000	Jag Erkhembayar	jagdagdorj
12	2012.06.20	105000	SUKHBAT Batjargal	SukhbatMN
11	2012.06.20	100000	munkhbat	ts_chepak
10	2012.06.20	70000	SUKHBAT Batjargal	SukhbatMN
9	2012.06.20	65000	Mend-Orshikh.A	MendOrshikh
8	2012.06.20	45000	SUKHBAT Batjargal	SukhbatMN
7	2012.06.20	42000	Zulaa	intel_mgl
6	2012.06.20	40000	Bata G	batocun
5	2012.06.20	30000	munkhbat	ts_chepak
4	2012.06.20	28000	Sodnompil_Kh	Egel_Negen
3	2012.06.20	25000	Mend-Orshikh.A	MendOrshikh
2	2012.06.20	20000	Bata G	batocun
1	2012.06.20	10500	SUKHBAT Batjargal	SukhbatMN
Анхны үнэ		9999	D.Sainbayar	dsainbayar

Мэдээг бэлтгэсэн @dsainbayar Injinash Publishing

Номун Далай - Монгол номын цахим дэлгүүрийн нээлт

Эрхэм та бүхний өмнө цахим ертөнцөд мэндэлж буй Номун Далай хэмээх нэгэн айл өрхөө татаж, үүдээ нээж байна. Дэлхийн өнцөг булан бүрт эрдэм, эрдэнэ өвөрлөхөөр тархсан Монголчууд бидэнд өнөөг хүртэл өөр өөрийн оршин суугаа улс оронд эх Монгол хэлээр хэвлэгдсэн ном сонин, оюуны бүтээлээс хүртэх боломж, таатай орчин үгүйлэгдсээр ирсэн билээ.

Өнөө цагийн Монгол түмэн та бидэнд эрдэм ухаанд суурилан хэрэгжих учиртай:

♦ хэл соёлоо хадгалж үлдэх, хөгжүүлэх;
♦ хүн төрөлхтөний соёлыг өөрийн соёлын өнгө онцлогоор баяжуулан чимэх хэмээсэн хос үүрэг оногдож буй хийгээд эл үүргээ эс биелүүлвээс
♦ гадаад улс орнуудад суугаа Монголчуудын хувьд эх хэлээ мартах, өв соёлоосоо алслагдах, гадны хэл соёлд аажмаар уусах;
♦ та бидний хэл соёлын үнэт зүйлсийг бусад улс орны ард түмэн утгачилан ойлгохгүйд хүрэх гэсэн мөн л хос түгшүүр хаалга дэлдэж буй нь бодит үнэн болжээ. Энэхүү хос түгшүүрийг арилгаж, үүргээ биелүүлэхийн гол учиг нь та бид аливааг тунгаан шүүж, зохист шийдэлийг гаргаж чадах оюуны бяр тэнхээтэй байх, түүнийгээ Монгол ухааны их далайгаас тэтгэн тэжээж байх явдал билээ. Үйл ажиллагаагаа эхлүүлж буй Номун Далай цахим дэлгүүрийн сүлжээ нь Монгол түмний энэхүү оюун далайг тэтгэн сэлбэх эрхэм зорилготой.

Номун Далай сүлжээг ажиллуулагч одоогийн бүрэлдэхүүн:
♦ Номун Далай сүлжээг санаачлагч, ерөнхий зохицуулагч Д.Сайнбаяр
♦ Номун Далай сүлжээний Монгол дахь салбарын зохицуулагч П.Наранбаяр
♦ Номун Далай сүлжээний Их Британи дахь салбарын зохицуулагч Д.Цэрэнбат
♦ Номун Далай сүлжээний Япон дахь салбарын зохицуулагч M.Тулгат

Номун Далай цахим дэлгүүрийн үйл ажиллагаа
Номун далай цахим дэлгүүр нь одоогоор Чикаго, Улаанбаатар, Лондон, Токио хотуудад төвлөрөн үйл ажиллагаагаа явуулж буй бөгөөд холбогдох цахим хуудсуудад борлуулагдаж буй ном, сэтгүүл болон бусад бүтээгдэхүүний захиалга, төлбөр тооцоог Монгол, Англи, Япон хэл дээр цахим хэлбэрээр хүлээн авч, тухайн улс орнуудад буй салбаруудаас түгээх, шуудангаар хүргэх үйл ажиллагаа явуулж байна.

Одоогоор АНУ, Канад улсад ном борлуулах http://us.mongolianbooks.com, Их Британид ном борлуулах http://uk.mongolianbooks.com, Японд ном борлуулах http://jp.mongolianbooks.com хуудсууд нь өөрсдийн номын боломжит нөөцөөрөө үйл ажиллагаагаа эхлүүлээд байна. Монгол дах салбар нь үйл ажиллагаа явуулж эхлээд буй салбаруудынхаа захиалгын дагуу хэвлэлийн газар, зохиолч, уран бүтээлчидтэй гэрээ хийж, бөөнөөр нийлүүлэх үйл ажиллагааг голчлон хийж байна.

Бид уншигч танд Монголын цаг цагийн оюуны сор бүтээлүүдийг хүргэхийг ямагт хичээн ажиллахын зэрэгцээ, таны эрэлт хэрэгцээ, санал сэтгэгдэлд тулгуурлан цахим дэлгүүрийн сүлжээгээ байнга боловсронгуй болгон сайжруулахын төлөө ажиллах болно. Биднийг дэмжих, хамтран ажиллах сонирхолтой хэн бүхэнд бидний үүд хаалга байнга нээлттэй.

Бидэнтэй хамтран ажиллагчид:
Интерпресс хэвлэлийн газар
NEPKO Publishing
Цахим Өртөө Холбоо
ЭМОС клуб
Алтангадас сэтгүүл
Даяар Монгол сонин
Компьютер Таймс сэтгүүл
Замдаан сэтгүүл
Таван Цагариг - Америкт сэтгүүл

Дэмжигчид:
Бүгдээрээ.мн
Bi-Bid.com
Vimо - Virtual Mongol
Ganzorig Consulting
HamagMongol.net
Mонгол Соёлын Төв
MongolianArtist.com
MongolMedee.Net
Orloo.com
Цахим Өртөө сүлжээ

Ингээд Номун Далай - Монгол номын цахим дэлгүүр интернэтийн цахим ертөнцөд мэндэлж буйг ёслол төгөлдөр тэмдэглэхийн сацуу эрхэм Таныг манай дэлгүүрийн сүлжээнд тухлан саатаж оюуны хэрэгцээгээ хангахыг урьж байна.

Номун Далай сүлжээний хамт олон
http://www.mongolianbooks.com/
http://www.mongolnom.net/

Обама, Осама болон Матай

Өнөөдөр оройн зоог идсэний дараа ажил, ажил гэж гүйсээр ойрд зурагт, TV гээч юм байдгийг бүр ор тас мартсанаа дурсангаа хорвоо ертөнцөөр сонин хачин юу болж байна даа хэмээн өөртөө хэлээд зурагтын удирдлага руу гар сарвайв. NBC-гээр миний зүгээс их л найдвар тавьж буй Барак Обама бас нөгөө Хиллари Клинтон хоёрын сонгуулийн өрсөлдөөний тухай ярьж байх юм. Шинжээчдийн үзэж байгаагаар Ардчилсан намын Primary -гаас өрсөлдөн гарах ёстой энэ 2 өрсөлдөгчдөд "сонин сонин" сул ба давуу талууд их байгаа юм байна. Жишээ нь хамгийн анхны эмэгтэй ерөнхийлөгч болох шаанстай Хиллари эмэгтэйчүүдээс наад зах нь 60 хувийн санал авах, харин эрчүүдээс бол 50 аас доош хувийн санал авах магадлалтай юм гэнэ. Гэтэл манай Барак Обама Исламын шашныг эсэргүүцдэг сонгогчдын дунд нэр хүнд тун муу байгаа юм байх. Гэхдээ ironic буюу егөөдөлтэй хэсэг нь мань Барак Обама бол Мусулман буюу "лалын шашинтан" биш юм. Хэдий тийм ч түүний мусулман нэр түүнд том садаа болох нь одооноос анзаарагдаж байна.

Стереотип гэж бидний амьдралаас холдохгүй эд юм даа. Хөөрхий Обамагийн нэрийг 9 сарын 11 нээс хойш Осама гэж "misspelling" хийж, санаатай санаагүйгээр Осама гэж хэлж ярих нь бүр ч олон тохиолдох болж. Хэдхэн сарын өмнө CNN-ий мэдээний үеэр дэлгэцийн доор "Where is Obama?" гэж бичиж байгаад Оcaма Бин Ладений тухай ярьж гарсан. Харин алдарт сэтгүүлч Wolf Blitzer хувиасаа уучлал гуйсан, бас CNN тэнд ажилладаг график департментийнхан алдаа хийжээ хэмээн том уучлалт гуйсан. Гэтэл энэ Rush Limbaugh гэж нөхөр зориудаар хэд хэдэн удаа радиогоороо Барак Осама гэж хэлсэн байх юм.

Дээр би зориуд Ислам, Мусулман гэж бичсэн билээ. Учир нь учир мэдэх хүнээс сонсохнээ Islam гэдгийг манайхан Лал буюу Лаларын шашин гэж зориудаар "доош хийж" нэрийдсэн гэдэг. Уг нь англиар лалын шашныг Islam, лалын шашинтныг Muslim гэдэг билээ. Ер нь шашин соёлын мөргөлдөөн нэлээд гүнзгийрч буй өнөө үед "culturally put-down" хийсэн үгээс зайлхийвэл дээрсэн. Гэтэл нэгэнт хэвшсэн үг хэллэгийг өөрчлөнө гэдэг санаснаас хэцүү нь ойлгомжтой.

За энэ шашин гээчийг сайн ойлгож судлаагүй би гэж хүн энэ жил Библи, Куран, бас Бурхан багшийн сургаалийг уншиж судалахаар шийдээд байгаа. Библи, Бурхан багшийн сургааль хоёрыг дунд сургуульд байхдаа уншиж байгаад дунд нь хаячихсан гэмтэй хүн. Харин номын тавиурт байгаа Quran судрыг 99 оны хавар Вашингтон Ди Си хотод аялах үед манай Айдахо мужийн багийнхны орж сонирхсон нэгэн Исламын сүмийн ламаас -Энэ ном тань үнэтэй юу? гэхэд -Үнэгүй ээ гэж мушилзан инээсээр хариулахад нь дурсгал болгон авсан боловч одоо хүртэл "салхи үзүүлээгүй", үе үе орондоо орохдоо авч орох боловч хол явалгүй өдий хүрчээ.

За тэгээд дээр хэлж байсан зорилгын дагуу бас нэгэн шалтгааны улмаас хэдэн минут ТВ үзсэний дараа Библийн Шинэ гэрээг авч эхнээс нь авахуулаад уншиж гарав. 1996 онд Монгол Библийн Орчуулгын Хорооноос гаргасан Монгол хувилбар юм байна. Chapter-ууд нь их богинохон юм. Харин Матайгийн 7 дугаар бүлэг дээр хаа нэгтээ тэмдэглэмээр (жишээ нь блогтоо) сайхан зүйл байх юм.

Шүүгдэхгүйн тулд бүү шүү. Учир нь та нар яаж шүүнэ, түүнчлэн шүүгдэнэ, та нар ямар хэмжээгээр хэмжинэ, түүнчлэн хэмжигдэнэ гэжээ.

Бас "Ариун юмыг нохдод бүү өг. Өөрсдийн сувдыг гахайнуудын өмнө бүү хая. Тэд түүнийг хөл доороо гишгэчээд, эргэж чамайг хэдэн хэсэг болгон тасчин хаях вий. гэж бичжээ.

За ер нь аливаа шашинд сүсэглэдэггүй мань мэтэд ч хэрэгтэй үнэтэй зөвлөгөө мэт санагдсан тул энд бичлээ. Ер нь цаашид Библийг унших зуур тэмдэглүүштэй зүйлсийг блогтоо бичээд явъя гэж бодож байна. Хэрэгтэй хүндээ хэрэг болог, бас надад чухал тэмдэглэгээ болог. Харин шашин сурталчилж байна гэж бүү бодоорой. За тэгж бодох ч үндэс байхгүй биз ээ. Яагаад гэвэл Тeachings of Buddha, Quran 2 ooс мөн тэмдэглэгээ хийж явах тул.

Дээрх мөрүүдийг хэр сайн орчуулж вэ гэж бодоод хуучин, шинэ гэрээг хоюуланг нь багтаасан Holy Bible -ыг тавиураас авав. Тээр жил Даллас хотод зочилохдоо буусан Моtel-ooсoo "туусан" эд. хэхэ. Номын хулгай хулгай биш гэж ярьдаг ч, миний бодлоор номын хулгай бол нэг талаасаа маш том хулгай. Гэхдээ Америкт буурчын газраас Holy Bible аваад гарахад хэн ч дургүйцэхгүй биз ээ. Маtthew 6, 7 гэдгийг олж харлаа. Сонин байж магад энд шивчихье.

Judge not, that ye be not judged. 2. For with what judgment ye judge, ye shall be judged: and with what measure ye mete, it shall be measured to you again.

Give not that which is holy unto the dogs, neither cast ye your pearls before swine, lest they trample them under their feet, and turn again and rend you.

Давгүй сайхан Монголчилжээ. Тэртусмаа урт өгүүлбэрийг тасдаж болдогийг бодолцсон байна. Мөн ихэнхи тохиолдолд сунжирдаг монгол хэл дээр харин бүр нэлээд товч буулгажээ.

За үг олдож үхэр холдохнээ. Баахан замбараагүй хадуурчээ дээ. Барак Обамагийн талаар харин дараа тухтай бичнэ ээ. Тэр хүн яагаад Америкийн ерөнхийлөгч болвол дэлхийд хэрэгтэй вэ гэх мэт...