Сайн уу Блог Ертөнцөө!

main() {
printf ("Сайн уу Блог Ертөнцөө!");
}

Өөр улс орнуудад яадаг юм бол? Ямартаа ч АНУ-д программистууд аль нэгэн программын хэл дээр бичсэн хамгийн анхны программдаа "Hello World!" гэсэн энгийн текст бичээд "compile" хийж эсвэл вэб хөтөчид (web browser) ачаалуулж ажиллагааг нь шалгадаг. "Hello World!" гэчихээд бяцхан гэлгүй програмаа ажиллаж буйг хараад бас хорвоо ертөнцөд нэгэн зэрэг Сайн уу гээд хашгирчихаж чадаж байгаагаа бодохоор их урамтай байдаг юм шиг байгаа юм. :)) (энэ урам буюу "immediate gratification"- ий талаар дараа нэг хуучлая байз!)

Тэгэхээр энэ удаа "Сайн уу Блог Ертөнцөө!" гэе. Ядаж Сайн уу гээд хэлчихвэл, энэ эхлээгүй удсан conversation минь өрнөөд явж магад. Юу гэвэл би гэж хүн блог нээе гэж сүүлийн 2 жил бодож, 2 жил залхуурав :) "Уг нь ч давгүй санаа юм, гэхдээ зав алга, за дараа больё доо" гэж өөрийгөө хуураад л... Ямартаа ч улам бүр бодит болсоор байгаа Интернэтийн хийсвэр ертөнцөд та бүгдтэй блогоороо уулзахдаа баяртай байх болно.

Ямар сэдвээр бичих бол? Өөрийн сонирхлын хүрээнд, бусадтай хуваалцмаар сонин хачнаасаа бичих; басхүү энэ блогоо өөрийн үзэл бодлынхоо толь, дуу хоолойныхоо бүрээ :) болгохуйг хүснэ. Хамрах сэдвүүд нь хязгааргүй байг. Харин бичиж буй тэмдэглэгээнүүдээ замбараатай болгохын тул сэдэв сэдвээр баруун баганад ч байна уу жагсаагаад явна аа.

Ямартаа ч Танд хуучирч амжаагүй шинэ оны энэ өдрийн мэндийг хүргэе!

Мэхүйн ёсолсон,
Д.Сайнбаяр