Showing posts with label Chicago. Show all posts
Showing posts with label Chicago. Show all posts

8.02.2007

Номун Далай - Монгол номын цахим дэлгүүрийн нээлт

Эрхэм та бүхний өмнө цахим ертөнцөд мэндэлж буй Номун Далай хэмээх нэгэн айл өрхөө татаж, үүдээ нээж байна. Дэлхийн өнцөг булан бүрт эрдэм, эрдэнэ өвөрлөхөөр тархсан Монголчууд бидэнд өнөөг хүртэл өөр өөрийн оршин суугаа улс оронд эх Монгол хэлээр хэвлэгдсэн ном сонин, оюуны бүтээлээс хүртэх боломж, таатай орчин үгүйлэгдсээр ирсэн билээ.

Өнөө цагийн Монгол түмэн та бидэнд эрдэм ухаанд суурилан хэрэгжих учиртай:

♦ хэл соёлоо хадгалж үлдэх, хөгжүүлэх;
♦
хүн төрөлхтөний соёлыг өөрийн соёлын өнгө онцлогоор баяжуулан чимэх хэмээсэн хос үүрэг оногдож буй хийгээд эл үүргээ эс биелүүлвээс
♦ гадаад улс орнуудад суугаа Монголчуудын хувьд эх хэлээ мартах, өв соёлоосоо алслагдах, гадны хэл соёлд аажмаар уусах;
♦ та бидний хэл соёлын үнэт зүйлсийг бусад улс орны ард түмэн утгачилан ойлгохгүйд хүрэх
гэсэн мөн л хос түгшүүр хаалга дэлдэж буй нь бодит үнэн болжээ. Энэхүү хос түгшүүрийг арилгаж, үүргээ биелүүлэхийн гол учиг нь та бид аливааг тунгаан шүүж, зохист шийдэлийг гаргаж чадах оюуны бяр тэнхээтэй байх, түүнийгээ Монгол ухааны их далайгаас тэтгэн тэжээж байх явдал билээ. Үйл ажиллагаагаа эхлүүлж буй Номун Далай цахим дэлгүүрийн сүлжээ нь Монгол түмний энэхүү оюун далайг тэтгэн сэлбэх эрхэм зорилготой.

Номун Далай сүлжээг ажиллуулагч одоогийн бүрэлдэхүүн:
♦ Номун Далай сүлжээг санаачлагч, ерөнхий зохицуулагч Д.Сайнбаяр
♦ Номун Далай сүлжээний Монгол дахь салбарын зохицуулагч П.Наранбаяр
♦ Номун Далай сүлжээний Их Британи дахь салбарын зохицуулагч Д.Цэрэнбат
♦ Номун Далай сүлжээний Япон дахь салбарын зохицуулагч M.Тулгат

Номун Далай цахим дэлгүүрийн үйл ажиллагаа
Номун далай цахим дэлгүүр нь одоогоор Чикаго, Улаанбаатар, Лондон, Токио хотуудад төвлөрөн үйл ажиллагаагаа явуулж буй бөгөөд холбогдох цахим хуудсуудад борлуулагдаж буй ном, сэтгүүл болон бусад бүтээгдэхүүний захиалга, төлбөр тооцоог Монгол, Англи, Япон хэл дээр цахим хэлбэрээр хүлээн авч, тухайн улс орнуудад буй салбаруудаас түгээх, шуудангаар хүргэх үйл ажиллагаа явуулж байна.

Одоогоор АНУ, Канад улсад ном борлуулах http://us.mongolianbooks.com, Их Британид ном борлуулах http://uk.mongolianbooks.com, Японд ном борлуулах http://jp.mongolianbooks.com хуудсууд нь өөрсдийн номын боломжит нөөцөөрөө үйл ажиллагаагаа эхлүүлээд байна. Монгол дах салбар нь үйл ажиллагаа явуулж эхлээд буй салбаруудынхаа захиалгын дагуу хэвлэлийн газар, зохиолч, уран бүтээлчидтэй гэрээ хийж, бөөнөөр нийлүүлэх үйл ажиллагааг голчлон хийж байна.

Бид уншигч танд Монголын цаг цагийн оюуны сор бүтээлүүдийг хүргэхийг ямагт хичээн ажиллахын зэрэгцээ, таны эрэлт хэрэгцээ, санал сэтгэгдэлд тулгуурлан цахим дэлгүүрийн сүлжээгээ байнга боловсронгуй болгон сайжруулахын төлөө ажиллах болно. Биднийг дэмжих, хамтран ажиллах сонирхолтой хэн бүхэнд бидний үүд хаалга байнга нээлттэй.

Бидэнтэй хамтран ажиллагчид:
Интерпресс хэвлэлийн газар
NEPKO Publishing
Цахим Өртөө Холбоо
ЭМОС клуб
Алтангадас сэтгүүл
Даяар Монгол сонин
Компьютер Таймс сэтгүүл
Замдаан сэтгүүл
Таван Цагариг - Америкт сэтгүүл

Дэмжигчид:
Бүгдээрээ.мн
Bi-Bid.com
Vimо - Virtual Mongol
Ganzorig Consulting
HamagMongol.net
Mонгол Соёлын Төв
MongolianArtist.com
MongolMedee.Net
Orloo.com
Цахим Өртөө сүлжээ

Ингээд Номун Далай - Монгол номын цахим дэлгүүр интернэтийн цахим ертөнцөд мэндэлж буйг ёслол төгөлдөр тэмдэглэхийн сацуу эрхэм Таныг манай дэлгүүрийн сүлжээнд тухлан саатаж оюуны хэрэгцээгээ хангахыг урьж байна.

Номун Далай сүлжээний хамт олон
http://www.mongolianbooks.com/
http://www.mongolnom.net/

5.10.2007

Tuesday (s) with Norah Jones



...Өглөө, орой, шөнө, өдөр?... good night; buenos dias!, кофе, marlboro lights menthol, red line метро, you've got mail!, aжил, ажил, дэлгэц, хурууны товшилтууд, monday meeting, дахиад дэлгэц, double shot please!, дэлгэц, ринг ринг, dinner, уулзалт, мэдээжийн хэрэг!, red line, metro, хонх, дэлгэц, superb!!!, кофе юу цай юу?, дахиад дэлгэц, хуруунууд ядарчээ, нүд чилэв, тамхиa бага татаач!!!, кофе, more coding, energy drink, энэ удаа аль брэнд вэ, эрхэмээ?, metro, ... , you too, madam!; ажил, утас, Хау из дэ вээдэр ин Колорадо? харин тийм ээ, яавал чам шиг уулын орой дахь эдлэнгээсээ ажлаа хийдэг болох вэ?... мэдэхгүй ээ, магадгүй хангайд, мэдээж монголд!... дэлгэц, лифт, лифтний мэдээ-үгүй ер өө, сонин юм даа, метро, u too have a pleasant evening!...woohooo :)) 2 сар орчим ийм үгс, үзэгдэл миний өдрүүдийг зонхилж байв. яг л Ран Лола Ран кино дээрх шиг. Тэгээд хэдий бүгд биш гэхэд зарим нь дууссан тул, олон хоног хойшлуулсан эрх чөлөөгөө өөртөө бэлэглэв. энэ удаа кино биш арай өөр энтэртэйнмент хэрэгтэй байлаа. Voicemail. Blockbuster-ээс авсан 2 киног буцаалгүй 1 сар болсон тул... надад "зарчихжээ" $19.99? за дараа буцаагаад зарчихъя. юу байлаа? түрүү сард үзсэн. Blood diamond, what a movie it was!!! Лёонардо ч ёстой тасархай жүжигчин юмаа, so was she, what's her name? Jennifer Connelly, of course. What a beautiful match and performance! ... Aa тийм, Өчигдөр. 4:15 pm. baby, найз нь өнөөдөр арай эрт тарчихлаа, i ll c u soon! Харив. Дэлгэц, Чикагод болж буй бүх шоунуудын жагсаалтыг харлаа. Мягмар гариг... энифинг спэшл фор ас? Norah Jones? SOld out? obviously!!!!, КрэйгийнБүртгэл.ком? Bam! 2 билет байна. Утас нь байна!!! Ринг ринг. Санаснаас арай үнэтэй л юм. Театрын гадаа авч болох уу? Ингэхэд та өөрөө үзэхгүй яав?... 1.6 минутанд олчихлоо. Тасархай сайт шүү! Good news bebe, we gonna see Norah Jones tonight! You look amazing! Хурдны зам гайгүй байна. Гадаа ямар гоё байна аа! Chicago theatre. Коллежийн дипломыг тэр тавцанд авснаас хойш олон жил өнгөрчээ, red or white?; Here she comes, Norah Jones! Ямар сэхүүн, чадалтай, өвөрмөц хоолой вэ? гитар, төгөлдөр хуур, аль алинийг тоглоно гэж үү? фантастик! арын дуучин? Daru Oda? Japanese? from Chicago too? Cool! Ёстой гого юм аа, тархи 1000% амарчээ...Сүши юу эсвэл италиан уу? Цаг агаар сайхан байна. тайван алхалсуу. Нисүүн сангриа байна. Харин тийм ээ, найз нь тамхиа багасганаа ... Тuesdays are brilliant... Ер нь арай ойрхон ойрхон концерт үзэж байя... Амьдрал тасархай шүү, тээ?...

2.06.2007

Супер цомыг Супер баг хvртлээ

...гэсэн сонирхолтой нийтлэлийг ДМ сонинд Саруул ах бичжээ. Тэр дундаа Chicago Bears ялагдсанд урамгvй суусан намайг ч гэсэн аргадахаа мартаагvй байна, хэхэ :) Ямартаа ч football сонирхогч блогчиддоо зориулж Саруул ахын ДМ сонинд бичсэн нийтлэл, доор нь хариу бичсэн єєрийн санал сэтгэгдлээ блогтоо хуулж тавьлаа.

Супер цомыг Супер баг хvртлээ

Индиана муж тэр аяараа хөх өнгөнд дарагдлаа

Индиана мужийн дэлгүүр хоршоо, онгоцны буудал тэр аяараа “хөхөрч” байна. Тэдний хайртай баг нь Америкийн тэргүүн спорт болох хөлбөмбөгийн Супер Цомд ялсны учир тэр. “Та бүхэн надад баяр жаргал бэлэглэлээ, хариуд нь таныг би ч бас дэмжье” хэмээн Индианаполис Колтс багийн хөх өнгийн хувцсыг олон мянган хөгжөөн дэмжигч худалдан авч байна. Индиана мужаас ийм том аварга төрөлгүй уджээ. Хамгийн сүүлд Индиана Пэйсэрз сагсан бөмбөгийн АВА гэдэг лига байхад 1973 онд түрүүлж байсан гэнэ.

Америк хөлбөмбөгтэй танилцсан минь

АНУ-д ирэхээсээ өмнө сагсан бөмбөг, хоккей хоёрт нь дуртай ч хөлбөмбөг, бейсбол хоёрыг нь ер ойлгодоггүй байв. Ирээд ч үздэггүй байсан юм. Тэгсэн тэр жил Блүүмингтон хотноо байсхийгээд л гадаа нэг ч хүнгүй болчхоод байхыг анзаарав. Америк найзаасаа асуусан Колтс тоглохоор тэгдэг юм гэж байна. Дараа нь “Нөгөө Колтс чинь яав?” гэсэн “Патриотст хожигдчихлоо. Патриотс Супер Боулд орсон, чи заавал үзээрэй” гэв. Супер Боул гээчийг нь Блүүмингтоны Монголчууд манайд сууж үзсэн юм. Анх удаа бүтэн тоглолт тэгж үзэж билээ. Нэг их сайн ойлгоогүй, харин завсарлагаар нь ёстой жигтэй юм үздэг юм байна. Жанет Жексон, Жастин Тимберлейктэй дуулж байсан чинь санамсаргүй хөх нь ил гарчихдаг байгаа. Хожим сонсохнээ Мадонна, Бритни хоёр үнсэлдэж айхтар шуугиан тариад байснаас илүү шуугиулах гэж “санамсартай” хийсэн юм байх. Хөлбөмбөг үзэж сурах оролдлого маань ийнхүү “бүтэлгүй” эхэлсэн ч дараа жилээс нь харин ёстой ойлгон үздэг болсон билээ. Учир нь Колтс улам сайжраад л байснаас гадна үнэндээ манай жижиг хот хүнгүй болчхоор өөр юу хийх сэн билээ.

Харамсалтай жил

Уржнан Колтс эхний 12 тоглолтдоо дараалан ялж, хүн бүр л аварга болох нь хэмээн шуугиж байсан сан. Гэтэл яг энэ үеэр дасгалжуулагч Тони Данжигийн ууган хүү амиа хорлож, хүнд цохилт болов. Тэгээд хамгийн их хожилтой баг байсан атлаа Питтсбургт ялагдан балиашгуудаа гомдоож байсан түүхтэй. Тэр жилийг манай мужийн спортын хэнээтнүүд “харамсалтай жил” гэдэг. Учир нь НБА-гийн аварга болно гэж таамаглаж байсан Пэйсерзийнхэн өмнөх жил нь баахан зодоон, цохион хийгээд тэр жил хамаг сайн хүн нь тоглолгүй өнжсөн юм. Тони Данжи харин эр хүн шиг байж, авьяас ухаанаа спортдоо зориулж чадсанаар энэ жил их амжилтанд хүрлээ дээ. Тэрбээр Супер цомыг хүртэж буй анхны хар арьст дасгалжуулагч, тоглогч болон дасгалжуулагчийн аль алинаар нь Супер цом хүртэж байгаа 3 дахь хүн болж байна. Хэчнээн оноо алдсан ч байнга довтолгоо сайтай байдаг Колтс энэ удаад хамгаалалт нь хүртэл чангарч, супер quarterback-тайгаа нийлээд үнэхээр супер баг болжээ.

Эх нутгийнхаа эсрэг

Шикагогийн quarterback Гроссман буюу хамгийн чухал хүн нь энэ Блүүмингтон хотод сургууль төгссөн юм. Блүүмингтон ер нь хоёрхон ахлах сургуультай хирнээ спортын одод их төрдөг хот. Одоо Никст тоглож байгаа Жаред Жеффриз гэхэд л манай Блүүмингтоны Ариунаа гэж охинтой нэг ангид сурч байв. Гозойчхоод гурван ч хүний толгой дээгүүр харж Ариунаагийн тооноос будаа иддэг байсан нөхөр гэж байгаа. Тоглолтын өмнө олон сэтгүүл Гроссманыг хуучин өөрийнхөө шүтдэг байсан багийн эсрэг хэрхэн тоглох бол хэмээн шуугиж байлаа. Харин Индианагийн хамгаалалтын багийн Хэйдэнийг Шикагод өссөн, Баавгайнуудыг шүтдэг байсан тухай хэн ч дурсаагүй юм. Гэтэл Гроссман бүтэлгүйтэж, харин мөнөөх Хэйдэн дамжуулалтыг таслан гүйж шүтдэг байсан багаа нам дардаг байгаа.

Сайнбаярыг аргадах хэдэн үг

Шикаго хот Монголчуудынхаа тоогоор Индианагаас хавьгүй олон тул Баавгай нарыг дэмжих Монголчууд илүү олон байсан байх. Тийм ч учраас манай сонины Шикаго дахь сурвалжлагч Д.Сайнбаяр хотынхоо багийг дэмжин сайхан мэдээ гаргасан билээ. Go Chicago Bears гэсэн нэртэй байсан, явж өгсөнгүй дээ, өнөөдүүл нь, хөөрхий. :((

За яахав, юм нэгээр дуусах биш, ирэх жил гэж байна., тэрний дараа жил ч гэж байна. Тэгээд болохгүй бол наашаагаа нүүгээд ирэхгүй юу дөө. Хамтдаа Пейтон Мэннингээ дэмжээд суудаг болъё :))

Ай спорт чи, баяр баясал буюу

Майамид хөлбөмбөг үзээд дөнгөж ирж буй нэг дэмжигчээс Индианагийн ТВ сурвалжлага авав.

Та хир зардал гаргаад ирэв?
Тоглолтын болон онгоцны билетэнд нийтдээ 6000 доллар зарцууллаа.
Мөнгөө зөв үрлээ гэж бодож байна уу?
Юун мөнгө, юун 6 мянган доллар, миний баг надад баяр баясгалан авчирлаа. Үүнийг та хэдэн ч доллароор үнэлж чадахгүй.

Яг одоо Индианаполис хотод баярын сүрт жагсаал болж байна. Үнэхээр сайхан баярлуулж чадсаных нь төлөө багтаа талархал илэрхийлж байна.Арга ч үгүй биз. Ямар Нью-Йорк мэтийн том хот шиг хоёр хөлбөмбөг (Jets, Giants), хоёр хоккей (Rangers, Islanders), хоёр бейсбол (Yankees, нөгөө нь юу ч билээ) дээр нь сагсны багтай (Nicks) газар биш. Тэгэх тусмаа хожил нь илүү үнэ цэнэтэй болох аж.
Ай спорт, чи баяр баясал буюу.

М. Саруул-Эрдэнэ



Миний cэтгэгдэл:
Аргадсанд баярлалаа :) Ёстой л аргадмуулаар болж суулаа :) Тоглолт болдог өдрийн өглөө Номинчимэд ахаас та нар Супербoyлoo vзэх гээд завгvй сууна уу гэхэд Саруул-Эрдэнэ л энд ухаан нь хамгийн орон гаран сууна гэж хэлсэн :) За ямартаа ч бvр Чикаго, Индиана 2 тоглож буй ховор тохиолт Супер боулын талаар мэдээ бичиж амжихгvй явсан, Bears -аа дэмжээд нэг өмнөтгөл мэдээ даруй бичье, харин тоглолтийн vр дvн, анализийг спорт сайн мэддэгээрээ Саруул ах бичиг гэж хэлсэн. ( Colts ялагдвал би бичье гэж дотроо бодож байв. :) Яг л бичсэн байна даа хэхэ. Энэхvv мэдээг бичих шалтаг Индианагийн Саруул ахад Чикагогийн маниас илvv их болж таарлаа. Ямартаа ч мартахааргvй сайхан тоглолт боллоо. Yнэхээр багийн рэйтинг, статистикаараа ч Bears Colts-oos муу л даа.

Тэр дундаа Peyton Manning vнэхээр чаддагаа vзvvлж, 15 жил тоглоод Super Bowl аваагvй эцгийнхээ өшөөг, тоглолтонд гэмтэл аваад тоглохооо больсон ахийнхаа шийрийг хатаалаа. Yнэхээр гайхамшигтай сайн тоглогч юмаа! Ажлынхны ярьж байгаагаар тэдний энэ насанд тоглолтыг нь vзсэн хамгийн сайн quarterback уудийн нэг хэмээн магтагдаж байна. Гроссман vнэхээр одгvй муу тоглолоо.

2 ч удаа interception хийлгээд, гол нь 2 удаа drop snap буюу доогуур дамжуулсан бөмбөгийг алдаж байхдаа яахав дээ. Чикагогийн Devin Hester харин тоглолтын хамгийн эхний хэдэн секyндэд сайхан touchdown хийсэн. Супербoyлын тvvхэнд урд нь 8 удаа л ийм тохиол гарч байжээ. Гэхдээ л сайхан эхлэлийг Чикагочууд төгсгөж чадсангvй. Well I say, Colts very well deserved this victory!